El muro bianco, drio de la to casa,
ti te saltavi come 'n'oseleto.
Joska la rossa, pèle de bombasa,
tute le sere prima de 'nda in leto.

Te stavi lì, con le tò scarpe rote,
te ne vardavi drio da j oci mori,
e te balavi alegra tuta note
e i baldi Alpini te cantava i cori.

Oh Joska, Joska, Joska
salta la mura fin che la dura.
Oh Joska, Joska, Joska
salta la mura bala con mi.

Ti te portavi el sole ogni matina
e de j Alpin te geri la morosa.
Sorela, mama, boca canterina,
oci del sol, meraviglia rosa.

Xè tanto e tanto nù ca te zerchemo
Joska la rossa, amor, rosa spanja
ma dove sito andà? ma dove andèmo?
semo ramenghi o morti, e così sia.

Oh Joska, Joska, Joska ...

Busa con crose, sarà stà i putèi,
la par 'na bara e invece xè 'na cuna.
E dentro dorme tuti i tò fràdei
fermi, impalà, co i òci nela luna. oh

Oh Joska, Joska, Joska
salta la mura fin che la dura.
Oh Joska, Joska, Joska
salta la mura bala con mi.
Fermate là!